裝修工程通常都需時3個多月，要找短期酒店住宿優惠，由小編帶你搜集近20間月租酒店，平均價錢低至$9,300 起，不少更鄰近港鐵站，方便又省時！
【翡格酒店 the Figo Hotel】
the Figo鄰近中上環商業區，特別適合喺附近返工而又有養寵物嘅打工仔！宜家優惠送埋$1,000 Foodpanda禮券，可以慳返成千蚊任叫外賣！今次酒店推出限時月租優惠，套房唔使2萬就住到！超級抵！！！入住一個月開放式客房住宿最平低至$14,682 起，套房$17,273 起！經Flyday預訂獨家送$1,000 Foodpanda禮券及享房價95折。另有迎賓禮籃、入住時免費享用迷你吧一次、每週補充咖啡及茶品、每星期兩次客房清潔、洗衣服務9折優惠及免費使用休息室和健身房
【The Hari Hong Kong】
香港夏利酒店The Hari Hong Kong 推出月租優惠，經Flyday獨家預訂30晚長期住宿，即送$1,000 餐飲額同每日一杯咖啡 (價值共約$3,145)，30晚月租入住標準客房$19,800 起！$1,000 餐飲額可以喺意大利餐廳Lucciola同日式餐廳Zoku食飯！The Hari Hotel Hong Kong酒店設計由倫敦團隊操刀，以英倫典雅、低調奢華風格為主、房間/餐廳同lobby都有好多打卡位㗎！
- 地址：香港灣仔駱克道330號 (地圖)
- 電話：2129 0388
【東隅服務式住宅EAST Residences】
位於鰂魚涌太古坊核心地帶的東隅服務式住宅EAST Residences推出罕有月租優惠，太古集團旗下EAST Residences於18年翻新過，所有房型都提供智能電視同影音組合、電磁爐、微波燒烤爐、嵌入式雪櫃、各類廚具設備及一系列餐具等等！住客亦可於3樓平台免費使用洗衣機，符合一切住客需求，營造家的感覺！經Flyday預訂30晚月租Studio開放式單位連服務費$28,000 起、一房單位$42,800 起！
【the Arca 雅格酒店】
the Arca 雅格酒店嘅獨特之處在於可以望到香港仔海景，而且新酒店設施新淨，又可以帶埋家中毛孩入住，實屬港島南區人嘅首選！今次酒店推出月租優惠，30晚住宿最平$14,682 起，住6個月或以上每月更低至$12,364 起！經Flyday預訂更獨家送雙人Arcanoon Tea，另送高達$1,000酒店餐飲消費額、每星期一次免費洗衣服務、每星期兩次客房清潔同埋享洗衣乾洗服務及房內用餐折扣優惠！
【香港維港凱悅尚萃酒店 Hyatt Centric Victoria Harbour Hong Kong】
香港維港凱悅尚萃酒店 Hyatt Centric Victoria Harbour Hong Kong 位於北角，距離港鐵北角站步行僅2分鐘，酒店一直都係staycation超熱門之選，宜家仲推出月租優惠！入住 30 晚標準客房，住足一個月都係$16,800 起！今次優惠最正嘅係可以疊加各項 World of Hyatt 會員優惠，可以儲分同埋直接升級Hyatt最高級的Globalist 會員，仲可以拎到2晚免費住宿！另外2023年2月之前去住任何Hyatt集團的酒店都可以享用免費入Lounge (包早餐、下午茶和Happy Hour)、房間升級 (視乎酒店供應)，同埋享受各項高級會員待遇！
- 地址：香港北角北角邨里一號 (地圖)
- 電話：3762 1234
- 維港凱悅尚萃酒店網站
【皇子薈服務式住宅 Princeton Residence】
皇子薈服務式住宅 Princeton Residence 位於北角，鄰近北角港鐵站，配有私人健身中心、自助洗衣設施及天台公共空間。除咗有開放式單位，仲有套房及兩房復式單位連天台選擇。房入面仲設有廚房同埋2合1洗衣乾衣機，成個感覺真係好似喺屋企咁，煮食、洗衫設施齊備。最新推出月租優惠，30 晚開放式單位Princeton Studio住宿$20,800 起，經Flyday預訂仲獨家送高達$1,000超市現金券、住一年免一個月租金、薰香噴霧及迷你倉8折起優惠。
- 地址：北角渣華道33-35號 (地圖)
- 電話：3755 8888
- 皇子薈服務式住宅官網
【六國酒店Gloucester Luk Kwok Hong Kong】
六國酒店Gloucester Luk Kwok Hong Kong最新月租優惠啱哂一眾有車人士！經Flyday預訂30晚住宿最平只需$15,600 起，送粵軒中菜廳晚市外賣套餐券10張；有車人士預訂30晚住宿$18,600 起，送免費車位一個！係灣仔搵月租車位閒閒地都要4千蚊，扣返車位錢，計埋一萬頭就住到！六國係灣仔市中心，附近仲有唔少食肆商店，交通同購物幾步之間好方便呀！
九龍區月租優惠：
【憙酒店 Xi Hotel】
尖沙咀憙酒店Xi Hotel推出月租優惠，經Flyday預訂可享獨家優惠價14晚標準雙人房$6,088 起、28晚月租$9,980 起，4-5月入住更可享一次性免費客房迷你吧，有多達15項飲品及小食，價值$260！住2個月或以上更可享每月1次客房深層清潔服務。憙酒店屬尖沙咀區嘅平價精品月租酒店，而且鄰近港鐵尖東站N1出口，係正K11 Art Mall對面，附近有大量食肆及商場，生活配套及交通完善。
【帝樂文娜公館The Luxe Manor】
帝樂文娜公館The Luxe Manor最新月租優惠，經Flyday獨家預訂30晚$12,718 起，入住1或2個月每月即送$500 餐飲額，仲有得免費升級房型，入住3個月或以上每月送$1,000 餐飲額！另外包每星期清潔打掃及免費磅洗一次！餐飲額可用於酒店內餐廳FINDS及DADA BAR + LOUNGE。酒店屬豪華精品酒店，附近有24小時營業的超市及日本生活雜貨店Donki，仲有多間連鎖餐廳、美麗華及The One商場，生活消費比較親民。酒店仲鄰近尖沙咀港鐵站、西九龍站及綜合巴士總站，非常方便！
- 地址：香港九龍尖沙咀金巴利道39號 (地圖)
- 電話：(852) 3763 8763
- WhatsApp / Wechat：(852) 9816 6127
- 帝樂文娜公館網站
【維港灣酒店 Harbour Bay Hotel】
尖沙咀維港灣酒店Harbour Bay Hotel推出月租優惠，經Flyday獨家預訂30晚高級房月租$10,636 起，即送$600餐飲現金券；預訂90晚月租 (3個月)即可以優惠價每月$9,000 起入住高級房，指定日子更有機會免費升級至豪華房！另包每周清潔打掃及免費磅洗連乾衣一次。餐飲現金券可用於尖沙咀Jagger / Library餐廳享用餐點、雞尾酒及外賣自取或到尖沙咀茶星人購買水果茶或手搖飲品！
【尖沙咀凱悅酒店 Hyatt Regency Hong Kong, Tsim Sha Tsui】
香港尖沙咀凱悅酒店 Hyatt Regency Hong Kong, Tsim Sha Tsui 現時推出月租優惠，經Flyday預訂，仲有獨家升級至豪華客房、每星期15件洗衣服務同最多享$4,000餐飲券，每星期仲有免費水果補充！30晚月租優惠$19,500 起，仲有相連房一家入住$39,000 起！仲可以享用所有Hyatt會員福利，用黎衝會籍一流，住一個月送3晚免費住宿，兩個月送5晚！酒店正正位於尖沙咀K11大樓內，距離尖沙咀港鐵站只係幾步，附近仲有不少食肆同超級市場。如果係尖沙咀返工、想搵地方暫住嘅朋友要留意啦！
【馬哥孛羅香港酒店Marco Polo Hongkong Hotel】
馬哥孛羅香港酒店位於尖沙咀廣東道同海港城相連，離尖沙咀或尖東地鐵站大約10分鐘路程，附近仲係巴士碼頭總站，仲有天星小輪過海，購物悠閒都好方便，而且更可升級至豪華海景客房晚晚睇維港夜景！Flyday現時有獨家優惠3選1：自助早餐券4張/$1,000 餐飲券/外賣下午茶套餐+特選酒1支！高級客房每房每晚$600，30晚保證升級至豪華客房$18,000 起！
- 地址：九龍尖沙咀海港城廣東道3號 (地圖)
- 電話：2113 0088
- 馬哥孛羅香港酒店官網
【港威酒店 Gateway Hotel】
港威酒店同樣位於尖沙咀，鄰近尖沙咀港鐵站、巴士總站、天星碼頭及海港城，屬馬哥孛羅香港酒店嘅平價版選擇，宜家仲有Flyday獨家優惠3選1：自助早餐券4張/$1,000 餐飲券/外賣下午茶套餐+特選酒1支！月租價錢每晚$550 起，30晚保證升級至豪華客房$16,500 起！如果係GHA Discovery Titanium 會員卡主本人更享每日早餐一份！
【帝苑酒店 The Royal Garden】
帝苑酒店 The Royal Garden 位於尖東購物及商業中心，鄰近尖沙咀鬧市，屬該區較為寧靜的選擇。距離港鐵尖東港鐵站只需步行3分鐘，尖沙咀站步行5分鐘，而且附近亦有眾多食肆、購物商場及超級市場。現時酒店推出月租優惠，入住豪華客房30日$12,728 起，每月送酒店餐飲現金券$1,000、免費2袋洗衣服務、歡迎禮物 (消毒套裝)及享餐飲和水療折扣優惠。預訂2個月或以上更可享Flyday獨家房價優惠95折！帝苑酒店特別多出名餐廳，餐飲現金券正好可以用段黎食餐好既！
【香港美麗華酒店 The Mira Hong Kong】
香港美麗華酒店 The Mira Hong Kong 推出最新月租優惠！宜家起至開放日預訂，入住城景客房14晚$7,636 起，30晚$15,000 起；Mira套房70 14晚$11,455，30晚$23,182 起！今次月租優惠最正可以入去Club Lounge，每日上午11時至晚上7晚供應曲奇、muffin、生果、咖啡及茶、汽水。預訂30晚或以上Flyday獨家送2份Yamm自助午餐，每星期仲送一次免費磅洗服務！樓下就係DONKI，晚晚好似返左日本咁，近期準備搵尖沙咀酒店月租嘅朋友唔好錯過！
【YMCA港青酒店The Salisbury YMCA of Hong Kong】
尖沙咀市中心的港青酒店The Salisbury YMCA of Hong Kong 推出長租優惠！酒店位於九龍尖沙咀黃金地段，係正半島酒店隔離！經Flyday獨家預訂28晚長期住宿，可獲一次$200折扣優惠！折後標準客房 (城景) $12,018 起、半海景房$14,564 起、海景房$19,655 起！另外仲獨家贈送4個自助洗衣幣可以在酒店內洗衣房使用。
- 地址：香港九龍尖沙咀梳士巴利道41號 (地圖)
- 電話：2268 7000
- YMCA港青酒店網址
【香港壹零捌館Hotel 108, Hong Kong】
香港壹零捌館 Hotel 108, Hong Kong 位於旺角，步行前往港鐵旺角站只需7分鐘，附近食肆、超級市場眾多，前往最近嘅百佳都只需行3分鐘，附近嘅花園街超出名，得閒可以去行吓！鐘意收藏運動鞋、係旺角返工想搵地方暫住嘅朋友一定要留意！現時經Flyday預訂有獨家月租優惠，預訂香港壹零捌館月租優惠低至$10,000 起，仲免費升級至更高級客房！唔駛一萬蚊就可以住到更高級嘅客房，想住係旺角超方便地區唔好錯過啦！
【香港8度海逸酒店Harbour Plaza 8 Degrees】
香港8度海逸酒店 Harbour Plaza 8 Degrees 位於土瓜灣，步行前往港鐵宋王臺站只需6分鐘，附近仲有不少嘅超級市場、食肆，下個街口已經係有「土瓜灣食街」之稱既北帝街。如果屋企裝修、係土瓜灣附近返工、想搵地方暫住嘅朋友要留意啦！現時酒店推出月租優惠，如預訂180晚以上高級客房更低至$10,818 起；其他30晚月租豪華客房月租優惠$14,455 起；Deluxe 45客房月租優惠$15,364 起；開放式客房月租優惠$18,182 起；套房連一睡房月租優惠$21,364 起。每位加多$80享自助餐，坐免費穿梭巴士！
- 地址：土瓜灣九龍城道199號 (地圖)
- 電話：2126 1988
- 香港8度海逸酒店官網
【香港仕德福山景酒店Stanford Hillview Hotel】
香港仕德福山景酒店 Stanford Hillview Hotel 位於尖沙咀諾士佛臺，港鐵站行8分鐘就可以直達酒店，而且附近仲有超市、大型商場、食肆，岩哂尖沙咀返工既朋友想搵地方暫住！現時酒店推出月租優惠，預訂7晚長期住宿只需$2,195 起，14晚$4,327 起，30晚月租$11,545.5 起，30晚月租仲會額外回贈海景嘉福洲際酒店$1,000 餐飲消費額，可以去食翻餐勁嘅犒勞自己！
- 地址：香港尖沙咀諾士佛臺天文台道13-17號 (地圖)
- 電話：2722 7822
- 香港仕德福山景酒店網站
新界區月租優惠：
【黃金海岸酒店Hong Kong Gold Coast Hotel】
黃金海岸酒店Hong Kong Gold Coast Hotel距離市區約30分鐘車程，俯瞰青山灣碼頭沙灘景色，屬在港度假住宿首選！最新月租優惠就啱哂屯門區嘅市民啦，30晚豪華海景客房$21,818 起，入住送迎賓飲品、鮮果盤、包每日房間清潔、每周一次磅洗服務、享乾洗及餐飲折扣優惠！另外亦可加錢於酒店享用早餐。
【香港九龍東智選假日酒店 Holiday Inn Express Hong Kong Kowloon East】
香港九龍東智選假日酒店 Holiday Inn Express Hong Kong Kowloon East 推出長期住宿優惠，作為連鎖集團酒店、一向都好少減價。酒店位於將軍澳站同Popcorn上蓋，輕鬆直達酒店！今次限時推出獨家Flyday優惠，將軍澳朋友要搬屋、想搵地方短住就岩哂！經Flyday預訂21晚長期住宿只需$9,864 起，30晚$14,091 起 (另加一服務費)，獨家送每日2份早餐及額外獲得高達$600洗衣額，幫輕下租金外，得閒又可以上特色空中花園做運動同放鬆心情！
- 地址：香港九龍將軍澳3號唐德街4座 (地圖)
- 電話：3199 5588
- 香港九龍東智選假日酒店官網
【香港麗豪酒店Regal Riverside Hotel】
香港麗豪酒店 Regal Riverside Hotel 位於沙田，行十分鐘就可以到港鐵沙田圍站，附近商業中心、大型超市、食肆眾多，係沙田返工或搬屋裝修、想搵地方暫住要留意啦！現時酒店推出15晚同月租優惠，15晚$5,273 起、月租30晚$9,818 起。優惠仲包指定數量既早餐/下午茶，月租仲可以揀午餐！加多$500同$888仲分別額外回贈$800、$1,500餐飲消費額！
近排要搵月租酒店暫住嘅朋友，可以認真考慮下以上的月租酒店優惠，大部分月租酒店都非常近港鐵站，返工行去港鐵站都係大約5-10分鐘，有啲甚至仲係港鐵站門口，而且部分月租酒店的房型仲包廚房或公共廚房，煮嘢食都好方便！
原文連結
